رواية الجحيم - العائد من الجحيم الجزء الثالث

العائد من الجحيم الجزء الثالث


هذه القصة من وحي خيال الكاتب وليست حقيقية - حقوق الطبع والنشر محفوظة لموقع قصتي

لقرأة الجزء الاول من القصة اضغط .... هنا
لقرأة الجزء الثاني من القصة اضغط .....هنا


العائد من الجحيم الجزء الثالث

بأختصار كده انا روحت انا والدكتور المكان اللي هنعمل فيه الشغل وكنا بردانيين فالدكتور قالي هات الكتاب ... روحت جبته ووقع مني والدكتور كان في غضب شديد بسبب اني وقعته و اخده وقالي تعالا وبدأ يفتحه لحد ما وصل للصفحة اللي هو عاوزها ومسك ايدي وبدأ يقول كلام مش مفهوم و من الغريب ان ايدي سخنت جدا لدرجة اني كنت هدمع و غمضت عنيا وفتحتها لقيت الحطب محطوط ومولع ....

والدكتور ساب ايدي .... اول حاجه عملتها بصيت علي ايدي اشوف اتحرقت ولا ايه اللي حصل !! ... ايدي كانت عادية خالص ومفيش اي حاجه حصلت وكمان الألم اللي كنت حاسس بيه راح تمام ولا اكن كان فيه حاجه من الاساس ..
وفي وسط مانا مركز في ايه اللي بيحصل ده وايدي والنار وتضارب افكار في دماغي مش فاهم اي حاجه ..
الدكتور بكل بساطة : ها ادفيت يا عم ؟؟
انا : ا..ا..اه يا دكتور الحمد ... الحمد لله
الدكتور : هاهاهاهاهاها مالك يا رافو خايف كده ليه زي ما تكون شوفت عفريت
انا : يا دكتور انا .... انا مش مصدق اللي بيحصل قدامي ده ... واكيد اكيد خايف ومرعوب كمان !! هو حضرتك هتقتلني ؟
الدكتور : هاهاهاهاهاها ومش قادر يتمالك نفسه من الضحك ... انا مقدرش اقتلك يا رافو انت تموت بلد بحالها .
انا : اموت بلد بحالها دانا بخاف اشوف فرخة بتدبح يا دكتور هو في ايه اللي بيحصل انا مش فاهم حاجه هو ده سحر ولا ده ايه ؟
الدكتور : مش قولتلك مرة متستعجلش .... ايه ده بقه ... ايه ده ... ايه اللي بيحصل ده
انا : في .... في ايه
الدكتور : لا خلاص انا جبت اخري ومش قادر .... عن اذنك بقه يا رافو ... انا هقوم البي نداء الطبيعة واجي 
ومشي بالخطوة السريعه بعيد عني وفضلت باصص عليه لحد ما اختفي في الضلمة وبيني وبين نفسي حاسس بحاجه غريبة هتحصل والخوف بدأ يسيطر علي بالكامل لدرجة اني بقيت سامع اصوات غريبة .... استغفر الله العظيم يا رب ..... استغفر الله العظيم يا رب .... ده ايه المشوار المنيل ده .... وانا اللي كنت متحمس ... انا كان مالي ومال الدكتور المجنون ده مانا كنت قعدت في بيتنا
والاصوات بتزيد في دماغي ناس كتير بتتكلم بهماسات غريبة وكلام مش مفهوم ... بس .... بس .... بس في وسط الاصوات دي في صوت قدرت اميزه كويس ... الصوت .. ده انا سمعته قبل كده مش غريب علي وداني وبيقرب اكتر وفضل يقرب يقرب لحد ما حسيت ان في حد واقف جنبي بيكلمني برضه لغه مش مفهومة .... وبصوت عالي انت عايز مني ايييييييييييييه .. انت مين
الصوت : هاهاهاهاها سوف نراااااااااك بالدااااااااااخل 
انا عارف الصوت ده متأكد اني سمعته قبل كده ..... ايوه .... ده .. ده صوت الراجل الاحمر اللي كان جايلي في الكابوس قبل ما انزل مع الدكتور ..... اه ... مهو حاجه من الاتنين ملهمش تفسير تالت .. الاول ان الكابوس ده مأثر عليا من ساعتها وانا كل الحاجات اللي بتحصل دي بيتهيألي .... التاني ان اصلا احساسي كان صح من الاول وان في حاجه غريبة هتحصل والكابوس ده ليه علاقة بالموضوع.
ساعتها الدكتور كان جاي بسرعة من بعيد 
الدكتور : يلا يا رافو الوقت سرقنا مش هنستنا السواق هنبدأ احنا .... يلااااا لازم نبدأ حالا 
تفاعلت مع انفعال الدكتور بسرعة وبديهيا مني بما اننا في صحرا وكل اللي حوالينا رمل في رمل يبقه انا لازم اجيب الجروف ماحنا اكيد هنحفر في الرمل ده 
الدكتور : ايه اللي انت ماسكه في ايدك ده ... سيب الزفت اللي في ايدك ده وتعالا معايا 
رميت الجروف علي الارض بسرعة وروحت له
الدكتور : امسك دي و دول يلا بسرعة 
اللي كان مدهولي ... كان مديني كيسة فيها بودرة لونها احمر و خمس عملات قديمة بس العملات دي مكنتش عملات صغيرة لأ دي عملات كبيرة قطر العملة منهم 10 سنتيمتر 
انا : فضلت باصص للدكتور وواقف مكاني ... مانا اكيد مش عارف هو عاوزني اعمل ايه بالحاجه دي
الدكتور : بسرعة يا رافو ارسملي نجمة كبيرة علي الارض بالبودرة دي ... وحط ... حط عند كل راس من رؤؤس النجمة عملة من العملات الخمسة دول وخلي رسمة القرون فوق 
وانا مش فاهم اي حاجه بس مضطر اعمل اللي بيقولي عليها يأما اكيد هيحصل حاجه مش كويسة
وطاوعته وروحت علشان ارسم النجمة
الدكتور : استني يا رافو خد دول فضيهم في نص النجمة
اداني شوال كده .. المهم بسرعة روحت رسمت النجمة بالبودرة الحمره دي وحطيت عند كل راس عملة من العملات واتأكد ان القرون هي اللي فوق ودخلت نص النجمة وفضيت اللي في الشوال في نص النجمه .. وساعتها فضلت ... فضلت .. واقف مزبهل من اللي انا شايفه ... الشوال كان مليان عظام .... مش عارف دي عظام بني ادمين ولا عظام حيوانات ولا عضم ايه بالظبط بس اللي انا متأكد منه ان العظام دي لونها اسود جدا زي ما تكون محروقة 
الدكتور : يلا يا رافووو اطلع من النجمة بسرعة وتعالا هنا .... بسرررررررررررعه 
انا : خفت طلعت اجري وانا بجري خبطت في حاجه وقعت جوه النجمة تاني ... قمت وبجري تاني خبطت في نفس الحاجه ووقعت في النجمه تاني ... قمت وجريت في اتجاه تاني حاجه وقفتني ومعرفتش اطلع ..... انا .... انا ..... انا اتحبست في الرسمة اللي رسمتها .... انا .... انا اتحبست في النجمة .........

لو عجبك الجزء الثالث متنساش تسيب تعليقك و اعمل اشتراك في الموقع علشان يوصلك كل جديد عن باقي الاجزاء وشارك القصه مع اصحابك لو عجبتك ...

الجزء الرابع .... من هنا
الجزء الخامس ... قريبا

ليست هناك تعليقات

اكتب تعليقك هنا