رواية الجحيم -- العائد من الجحيم الجزء الثاني

العائد من الجحيم الجزء الثاني


هذه القصة من وحي خيال الكاتب وليست حقيقة - حقوق الطبع والنشر محفوظه لموقع قصتي

لقرأة الجزء الاول من القصة اضغط .. هنا 
نكمل الجزء الثاني من قصة العائد من الجحيم

بأختصار كده انا روحت انا والدكتور المكان اللي المفروض هنعمل فيه الشغل وكنت بردان والدكتور قالي روح هات الكتاب ولقيت الكتاب قديم ومكتوب عليه بالهيروغليفي وبالهدوء كده بدأت اجمع الحروف
ح ....ق....و....ق. ----- ا.....ل.....ش...ي.....ط....ا...ن
حقوق الشيطان !!!
بسخرية بيني وبين نفسي هو ... هو الدكتور طلع ساحر ولا ايه
بس استنوا كان فيه كلام تاني مكتوب تحت ترجمت الكلام ده وكان كالأتي
تحذير
بمجرد ان تفتح هذا الكتاب تعتبر عضوا في المنظمة ان كنت ترفض فلا تقرأ السطر التالي

ايه الكلام العجيب اللي مكتوب ده الموضوع بعد ما كان بسخرية واستهزاء بدأت اتوتر واخاف من الكلام اللي مكتوب ده وحصل حاجة انا اعتبرت انها هلوسة بسبب الخوف اللي كنت خايفه من الكتااب .... الكتاب بدأ يسخن في ايدي بطريقة مش طبيعية بالتدريج ومش دفا عادي لا ده بدأ يلسعني وكأني حطيت ايدي علي فرن مولع ... رميت الكتاب علي الارض وفي وسط مانا مزهول وببص للكتاب برعب وخوف سمعت صوت بينادي رافوو ... رافوو .. رافوو وفجأة ايد نزلت علي كتفي ايه يابني اتأخرت كده ليه كل ده بتجيب الكتاب .. الحمد لله كان الدكتور وبعدين سكت لوهلة وبص علي الارض لقي الكتاب علي الارض وفي غضب شديد جدا منه مش عارف ليه ... ينفع كده ... ينفع كده ترمي الكتاب علي الارض انت مش عارف قيمة الكتاب ده ايه ... وشاله من علي الارض بكل بساطة وانا في انتظار انه يتألم او يتوجع بسبب حرارته العالية ولكن حصل العكس تمام شاله ومحسش بأي حرارة وقالي يلا تعالا .... هو في ايه هو ايه اللي بيحصل ده ... هو انا اتجننت ؟ .. ولا ايه بالظبط .. انا اكيد كنت بهلوس بس برضه لو كنت بهلوس انا متأكد ان انا ترجمت الكلام اللي مكتوب علي الكتاب صح بس لا .. انا مش هخاف انا اكيد بيتهيألي روحت للدكتور وتأسفتله لأنه كان في غضب شديد ولكن بصلي بأبتسامة وقالي حصل خير يا رافو ولا يهمك تعالا اقعد جنبي هنا
انا : يا ... يا دكتور انا ... انا ترجمت اللي كنا مكتوب علي الكتاب وكان كلام غريب اوي ومفهمتش معني الكلام ده ايه
الدكتور : اصبر متستعجلش وهتعرف كل حاجة في وقتها المهم دلوقتي يا رافو شكلك مش لوحدك اللي خرع انا كمان بردان جدا دلوقتي ويلا نولع الحطب
الدكتور مسك الكتاب ولسه هيفتحه ..... بعلو صوتي ....لااااااااااا .... متفتحش الكتاب ده كان ... ده كان مكتوب عليه تحذير انك لو فتحته هتبقه عضو في المنظمة
الدكتور : ضحك هستيري وقالي ايه يابني اللي انت بتقوله ده .... ده تعليمي فيك مكانش في محله خالص كمان بترجم غلط مخصوم منك 5 درجات في اعمال السنة يا رافو
وببص علي الكتاب لقيت كلام تاني خالص غير اللي انا قرأته مرحبا بك في عالمك الجديد
بس انا عرفت ..... انا اللي اتجننت وبقه بيتهيألي حاجات غريبه خلاص عوضي علي الله في عقلي بقه ... بس برضه انا مش فاهم احنا هنولع الحطب اللي مش موجوده ده اصلا ازاي ؟؟
يكون الدكتور هيولع في الكتاب بس ازاي ده كان في غضب شديد لما لقاه واقع علي الارض مني يعني الكتاب ده ليه قيمة كبيرة عنده
... انا خلاص مبقتش فاهم اي حاجة الحمد لله 
الدكتور : يلا نبدأ يا رافو
انا : ومش مقتنع بالهبل ده .... يلا يا دكتور
الدكتور : قبل ما نبدأ يا رافو انا عاوز احكيلك عن قصة الكتاب ده .....
كان ليا دكتور صديقي في الحفريات زيي كده اسمه دكتور كاراز اكيد سمعت عنه ... الدكتور ده كان من اكفأ الأساتذة في المجال بتاعنا ده ... بس حاله اتغير في الفترة الاخيره من عمره وكان بيعمل حاجات غريبة ... كان ديما بيتلفت حواليه ومش علي بعضه وبيمشي بخطوات سريعة ووزنه قل بطريقة ملحوظه جدا والهالات السوده اللي كانت تحت عينه كانت واضحة جدا لدرجة انك ممكن لما تشوفه تفكره حاطط كحل في عينه .. حتي لما كان بيتكلم معانا كان بيفضل سرحان وفي مكان تاني وزي ما يكون شايف حد احنا مش شايفينه .. وده خلانا نشك انه مريض بأنفصام الشخصية .... والدكتور كاراز كان مؤمن بوجود الجنيات وكان وصفه للجنيات دي علي انهم الجنيات الصغيره اللي احنا بنشوفها في افلام الخيال العلمي وافلام الاساطير والكرتون اللي ديما بتشوفها بتلف حوالين الازهار وكان مقتنع تمام انهم موجودين وان هو شافهم بعنيه زي ما هو شايفنا بالظبط ... ومن ضمن كلامه ان الكائنات دي مهددة بالأنقراض لأن في بوبات بتتغذي عليهم والبوبات دي كان مسميها بوبات النار ولما سألناه طيب البوبات دي بتتغذي عليهم ليه كان في حيرة من امره هو كمان بس بيقول ان كل مره بيشوف البوبات دي بعد ما تتغذي علي الجنيات بيشوفها بتكبر واخر مرة كان شيفها بقطر 15 متر وكان بيطلب مننا ان احنا نساعده نحمي الجنيات دي ومن الطبيعي ان احنا نتأكد فعلا ان هو اتجنن ... وفجأة ومن غير سابق انذار جيه خبر موته ... وجدوا جثته علي كرسي في شقته شبه متفحمة ومفيش اثار حريق حواليه ... وده خلا الطب الجنائي يشك انها بفعل فاعل وفعلا بدأو البحث عن ادلة ولكن ملقوش اي اثار لأي بصامات غريبة في المكان وتقرير الطب الجنائي قال انه مات بسبب اشتعال مادة الكبريت ووجدو بجواره كبريت خام بس الغريبة ان الكبريت الخام ده لا يشتعل بالسهولة دي ... ده بيشتعل في الهواء الجوي لما درجة حرارته تكون 250 درجة يعني بالتاكيد بالتأكيد القتل تم بفعل فاعل ..
وزي ما قولتلك هو كان من اصدقائي المقربين جدا وكان عزيز علي قلبي جدا فأنا كنت متابع القضية اول بأول ولكن في النهاية اتقفلت القضية بأن الفاعل مجهول ... وطبعا زعلت جدا من النتيجة دي وقولت انا هبحث في موته بنفسي .. واول حاجه جات في بالي اعملها اني اروح ادور في بيته مره تانيه اكيد الطب الجنائي فوت حاجه مأخدش باله منها وبعد بحث دام طويلا من غير فايده وجدت الكتاب ده تحت مكتبة التلفزيون وكنت علي استعداد تام اني اصدق اي حاجه هشوفها لأن غموض كاراز وطريقة موته الغريبة تدفعني لكده ... ولما تصفحت الكتاب عرفت افتكرت ان كان في اسطورة زمان بتقول ان اللي يمتلك الكتاب ده هيكون عنده قوة جبارة وعظيمة ويكون من اقوي الاشخاص علي وجه الارض .... بس زي ما قولت اسطوررة !!!
بس يا سيدي هي دي قصة الكتاب يلا بقه علشان انا بردت قوي يلا نولع وندفا وبعد كده هكملك
انا كمان كنت بردت لدرجة كبيرة لدرجة اني مكنتش حاسس برجلي من البرد ... فقولت اه والنبي يا دكتور يلا انا هموووت
الدكتور : هات ايدك يا رافو
وبدأ يقول كلام غريب جدا ومش مفهوم
الكلام ده انا فاكرة كويس 
برزخت ترواق نيفول هنفول كراتا ميزورستاي انكا ترازا
وكرر نفس الكلام ده 3 مرات
بدأ ... بدأ ضوء يظهر علي الارض ... وايدي .... ايدي ... بدأت احس .... احس بحرارة شديدة .... انا مرعوب وعمري ما ..ما شوفت حاجه زي دي قبل كده
من خوفي حاولت اسحب ايدي من ... من ايد الدكتور لكن الدكتور كان ماسك فيا جامد وقالي اجمد يا رافو واستحمل شويه خلاص هانت اهه وهنخلص
برزخت ترواق نيفول هنفول كراتا ميزورستاي انكا ترازا
برزخت ترواق نيفول هنفول كراتا ميزورساي انكا ترازا
من كتر الحرارة الشديدة اللي كنت حاسسها عيني دمعت وقفلتها ... وبدأت الحرارة تخف ..... فتحت ... فتحت عيني ولقيت ال.... لقيت الحطب موجود علي الارض .... ووالع ..............

لو عجبك الجزء التاني من القصة متنساش تسيب تعليقك واشترك في الموقع علشن يوصلك باقي الاجزاء وكل ما هو جديد

الجزء الاول ..... من هنا 
الجزء الثالث ..... من هنا

الجزء الرابع .... من هنا
الجزء الخامس .... قريبا

ليست هناك تعليقات

اكتب تعليقك هنا